Privacy Policy
ARC Mart ("hum", "hamara") aap ki privacy ka khayal rakhte hain. Ye policy batati hai ke hum aap ka data kaise collect, use aur protect karte hain — jab aap arcmart.pk ya hamari mobile app use karte hain.
1. Hum kaunsa data collect karte hain
- Account: naam, email, phone/WhatsApp number, password (encrypted hash), profile tasveer (agar lagayein)
- Pata aur location: delivery addresses (province, district, tehsil, mohalla) aur map pin; app me GPS location — customer ke liye sirf pata chunte waqt
- Rider ki live location: rider jab "online" ho ya delivery par ho, uski location har kuch second baad — dispatch aur order tracking ke liye (customer, us order ki dukaan aur admin ko dikhti hai)
- Orders aur payments: order history, cart, COD/online payment ki maloomat (card number hum save nahi karte)
- Messages: order ke andar chat (customer ↔ rider/dukaan) — phone number aur links khud chhupa diye jate hain
- Dukaan/rider ki tasdeeq: CNIC number aur tasveerein, selfie, driving license, police character certificate, mustaqil pata — sirf admin dekhta hai
- Ratings/reviews aur support ki baat cheet
- Device: push notification token, app version, crash reports aur anonymous analytics (Google Analytics)
2. Data ka istemal kaise hota hai
- Orders process aur deliver karna, aur order ki live tracking
- Email verification codes aur order updates (notifications)
- Rider ko nazdeek ke orders dikhana aur customer tak rasta
- Dukaan aur rider ki pehchan ki tasdeeq — customers ki hifazat ke liye
- Fraud, spam aur platform se bahar len-den rokna
- Support aur app behtar banana (anonymous analytics)
3. Data share karna
Hum aap ka data bechte nahi. Sirf zaroori hissa share hota hai: dukaan ko order ki cheezein aur customer ka naam; rider ko delivery ka pata aur map pin; customer ko rider ka naam aur live location. Kisi ko kisi ka phone number nahi diya jata — rabta app ki chat se hota hai. Payment provider (agar online payment) aur qanoon nafiz karne wale idare (qanooni talab par).
4. Data security
Saara data encrypted connection (HTTPS/TLS) par jata hai. Passwords bcrypt hash me rakhe jate hain. Fingerprint login ka password sirf aap ke phone ke encrypted storage me rehta hai. Verification codes kuch minute me expire hote hain.
5. Account aur data delete karna
App me Account → "Account delete karein", ya arcmart.pk/delete-account. Account foran band ho jata hai aur 30 din baad naam, phone, email, tasveer, pate aur location mita diye jate hain (30 din ke andar login = cancel). Orders/payments ke records (tax/accounting qanoon), order chat (jhagre ki jaanch) aur dukaan/rider ke tasdeeqi documents (hifazat aur qanooni zaroorat) naam ke baghair rakhe jate hain.
6. Cookies
- Zaroori cookies: login session, cart aur theme/language preference yaad rakhne ke liye — ye bina site ke theek kaam nahi kar sakti.
- Analytics: anonymous page views taake hum samajh saken kaunse pages popular hain.
- Koi third-party advertising ya tracking cookies nahi use karte.
- Aap browser settings se cookies clear kar sakte hain — site ke kuch hisse (login, cart) tab kaam nahi karenge. Consent banner se aap "Essential only" bhi chun sakte hain.
7. Contact
Privacy se related koi bhi sawal ho to: arcmartmianwali@gmail.com ya WhatsApp +92 349 3325653